Introduction | guruparamparai telugu

శ్రీః
శ్రీమతే రామానుజాయ నమః
శ్రీమద్వరవరమునయే నమః
శ్రీ వానాచల మహామునయే నమః

క్రిత సంచికలో మనం శ్రీ వైష్ణవగురుపరంపర గురించి విశదీకరించుకున్నాము.

శ్రియఃపతి (లక్ష్మీనాథుడు) అయిన ఎమ్పెరుమాన్ (శ్రీమన్నారాయణుడు) పరిపూర్ణ దివ్యకళ్యాణగుణములతో నిత్యము శ్రీ వైకుంఠము నందు తన దివ్యమహిషులతో (శ్రీభూనీళాదేవేరులు) మరియు అనంతకళ్యాణగుణములు కలిగిన అనంతగరుడ విష్వక్సేనాది నిత్యసూరిగణములతో ప్రతినిత్యము కైంకర్యములు పొందుతు ఉంటారు. శ్రీ వైకుంఠము నిత్యము ఆనందముతో శోభాయమానముగాఉండును. ఎమ్పెరుమాన్ అక్కడ ఆనందమును అనుభవించుచున్నప్పటికిని వారి హృదయం సదా సంసారమందు దుఃఖమును అనుభవిస్తున్న జీవాత్మల (అనాదిగా ఉన్న)యందే ఉండును.

జీవాత్మ మూడు విధములు:

నిత్యులు : ఎల్లప్పుడు పరమపదమునందుండెడి వారు( కర్మచేత ఈ సంసారలోక సంపర్కం లేని వారు)
ముక్తులు: సంసారమున ఒకనాడు ఉండి మొక్షమును పొందినవారు.
బధ్ధులు~: సంసారమునందు కర్మచే బధ్ధుడై ఎంపెరుమాన్ తో సంబంధము కలిగి ఉన్నవాడు. (పితా-పుత్ర మరియు శేష- శేషి సంబంధము కల). ఈ సంబంధము వలన భగవంతుడు ఈ బధ్ధజీవునకు సదా అనుగ్రహిస్తు వారిని శ్రీవైకుంఠమునకు రప్పించి నిత్యకైంకర్యపరునిగా చేయాలని ఆరాటపడుతుంటాడు.

శాస్త్రమునందు చెప్పినటుల మోక్షము పొందుటకు తత్త్వజ్ఞానము అవసరము. రహస్యత్రయమందు ఈ తత్త్వజ్ఞానము స్పష్ఠముగా వివరించబడి ఉన్నది. జీవులకు ఈ తత్త్వజ్ఞానమును బోధించి జీవాత్మలను సంసారబంధము నుండి విముక్తిని కలిగించే వారినే ఆచార్యులంటారు. ఈ ఆచార్యుని పాత్ర విశేషమైనది కావున భగవంతుడే ఆచార్యునిగా అవతరించుటకై సిధ్ధపడును. కావున తానే ప్రధమాచార్యుడు. తాను ఆచార్యునిలా వేంచేసిఉన్న స్థలములను మన పూర్వాచార్యులు ఇలా వివరించారు.

శ్రీమన్నారాయణుడు బదరికాశ్రమమునందు నారాయణ ఋషిగా(ఆచార్యునిగా)అవతరించి, తన అవతారమైన (శిష్యునిగా) నరఋషికి తిరుమంత్రమును ఉపదేశించెను.
ఎమ్పెరుమాన్ విష్ణులోకమందు ద్వయమంత్రమును పెరియపిరాట్టి(శ్రీలక్ష్మీదేవికి)కి ఉపదేశించెను.( ఈ క్రమముననే శ్రీవైష్ణవగురుపరంపర ఆరంభమయినది).
ఎమ్పెరుమాన్ పార్ధసారథిగా కురుక్షేత్రమున అర్జునునకు చరమశ్లోకమును ఉపదేశించెను.

సమగ్ర గురుపరంపర ఇక్కడ చూడండి http://kaarimaaran.com/downloads/guruparambarai.jpg. శ్రీరంగమునందు వేంచేసియున్న పెరియపెరుమాళ్ మరియు పెరియ పిరాట్టి సాక్షాత్తుగా శ్రీ మహాలక్ష్మి శ్రీమన్నారాయణుడే . ఓరాణ్ వళి గురుపరంపర లోని క్రమానుసారం పెరియ పెరుమాళ్ తో ఆరంభమగును.

శ్రీ వైష్ణవగురుపరంపరలో ఆళ్వారులతో పాటు ఆచార్యులను కూడ చేర్చి ఒకేభాగముగా వ్యవహరించెదరు. ఆళ్వారుల క్రమం.

కొంతమంది ఆచార్యుల(ఓరాణ్ వళి గురుపరంపరలో లేని)ను కూడ కొంత పరిమితితో ఇక్కడ చేర్చడం జరిగింది.

మణవాళ మాములు వేంచేసి ఉన్న కాలములో మరియు ఆ తరువాతి కాలములో వైభవం కలిగిన పలువురు ఆచార్యులు(పరిమితిలో) :

పైన చెప్పబడిన ఆచార్యపురుషుల జీవితచరిత్రను వీలైనంతగా రాబోవు సంచికలలో చూడవచ్చును.

ఎంపెరుమానార్ తిరువడిగళే శరణం

జై శ్రీమన్నారాయణ అడియేన్ .!
Source

శ్రీః
శ్రీమతే రామానుజాయ నమః
శ్రీమద్ వరవరమునయే నమః
శ్రీ వానాచల మహామునయే నమః

లక్ష్మీనాథ సమారంభామ్ నాథయామున మధ్యమామ్
అస్మదాచార్య పర్యంతామ్ వందే గురు పరంపరాం

శ్రియఃపతి ( లక్ష్మీ నాథుడు, శ్రీమన్నారాయణుడు) తో ఆరంభమై నాథమునులు మరియు యామునాచార్యులు మధ్యముగా, స్వాచార్యులతో అంతమగు గురుపరంపరని నేను నమస్కరిస్తున్నాను.

ఈ దివ్యమైన శ్లోకమును కూరత్తాళ్వాన్ అనే ఆచార్యులు మన గురుపరంపరని ఉద్దేశించి రచన.

కూరత్తాళ్వాన్: భగవద్రామానుజుల శిష్యులు. వీరి ప్రకారము “అస్మదాచార్య” అనగ భగవద్రామానుజులు. కాని సాధారణముగ అస్మదాచార్్య్్యు లు ర్య అనగ ఈ శ్లోకమును పఠించువారి యొక్క ఆచార్య పురుషులుగా మనము భావించవలెను.

ఉపదేశ రత్నమాలై అను గ్రంధమున మణవాళ మాముణులు మన సాంప్రదాయమును ఎమ్పెరుమానార్ దర్శనము అని నమ్పెరుమాళ్ కీర్తించ్చినట్లు తెలియచేసారు.ప్రాచీనమైన సనాతన ధర్మమును చాలా తేలికైన భాషలొ జనులందరికి అందించి మరలా ధర్మ సంస్ధాపన చేసిన గురువులు మన ఎమ్పెరుమానార్లు. వారు వారి ముందు ఉన్నఆచార్యులు అయిన నాధమునులు, యామునాచార్యుల శ్రీ సూక్తులను తీసుకొని మన అందరికి అందించిన మహనీయులు.

గురువు మరియు ఆచార్య అను ఈ రెండు పదములు పర్యాయపదములు. గురువు అనగ అజ్ఞానమును పోగొట్టువాడు. ఆచార్య అనగ శాస్త్రమును నేర్చుకొని, అది ఆచరణలొ (అనుష్టానములొ) పెట్టి మరియు ఇతరులను ఆచరించే విధముగ చేయువాడు. గురు పరంపర అనగ ఒకరితొ మొదటి ఉపదేశమును పొంది; పొందిన వారు వారి శిష్యులకు ఉపదేశించి అలా క్రమమును తప్పకుండ ఒక పరంపరాగతంగ ఎక్కడాకూడ ఆ పరంపర ఆగకుండ జ్ఞానబోధ చేసే పరంపరను గురు పరంపర అని అందురు. పైన చెప్పిన లక్ష్మీనాధ సమారంభామ్ శ్లోకము నుండి మన శ్రీ వైష్ణవ సంప్రదాయమునకు ప్రధమ ఆచార్యులుగ శ్రీమన్నారాయణుడే ఉండి జీవుల అజ్ఞానమును పోగొట్టి వారికి నిరంతరము బ్రహ్మానంద అనుభూతిని కలగచేసి చివరికి శ్రీ వైకుంఠ ప్రాప్తిని అనుగ్రహించుచున్నారు. ఇందువలన మనకు మొట్ట మొదటి ఆచార్యులు ఆ శ్రీమన్నారాయణుడె.

తత్త్వ జ్ఞానం మోక్ష లాభః అని శాస్త్రము చెప్పుచున్నది. అనగ “తత్త్వ జ్ఞానమును పొందిన; మోక్షము పొందును”.

ఇప్పుడు మనము పొందుతున్న జ్ఞానము ఈ విధమైన పరంపరాగతంగ ఆచార్య పురుషులచేత పొందినదె.

అందువలన ఆచార్యుల గురించి తెలుసుకొనుట ఎంతో అవసరము.వారి జీవితము, వారి జీవన విధానము, వారి శ్రీ సూక్తులు తెలుసుకొనుటవలన మనకు భగవంతుని మీద ప్రేమ కలిగి మన స్వరూపమును పొందగలము.

రామానుజ తిరువడిగళే శరణమ్
జై శ్రీమన్నారాయణ .!

అడియేన్ .!

Source

guruparamparai telugu

శ్రీ వైష్ణవ గురు పరంపర తెలుగులొ

Category Archives: Introduction

శ్రీ వైష్ణవ గురు పరంపర పరిచయం – 2

శ్రీ వైష్ణవ గురు పరంపర పరిచయం – 1